Праваабаронцы за свабодныя выбары

Датэрміновае галасаванне традыцыйна не абыходзіцца без прымусу ўдзельнічаць у ім работнікаў дзяржаўных прадпрыемстваў і ўстаноў, вайскоўцаў і студэнтаў. Кампанія "Праваабаронцы за свабодныя выбары" збірае выпадкі і паведамленні пра "загоны" са ўсёй краіны.

Назіральніцы з Берасця дазволілі зрабіць толькі фота пячаткі на скрынцы для датэрміновага галасавання.

Улады працягваюць чыніць перашкоды правядзенню перадвыбарчых пікетаў кандыдаткі ў прэзідэнты Святланы Ціханоўскай у розных гарадах Беларусі.

Цэнтрвыбаркам Расіі не атрымліваў афіцыйнага запрашэння ад беларускіх калег для ўдзелу ў назіранні за выбарамі Прэзідэнта і прыняў рашэнне не накіроўваць у Беларусь сваіх назіральнікаў.

Праваабаронцы «Магілёўскай вясны», якія ўдзельнічаюць у якасці назіральнікаў на прэзідэнцкіх выбарах ад кампаніі «Праваабаронцы за свабодныя выбары», адзначаюць, што датэрміновае галасаванне пачалося з масавага нядопуску назіральнікаў на ўчасткі.

Назіральнік ад ініцыятывы "Сумленныя людзі" Андрэй Застрэлаў з міліцэйскага аўто паведаміў, што яго вязуць у Кастрычніцкі РАУС.

У Гародні зафіксавана парушэнне выбарчага заканадаўства на ўчастку №11 Ленінскага раёну. Там побач з агульнаінфармацыйным плакатам пра выбары вывешаны асобна партрэт аднога з кандыдатаў - Аляксандра Лукашэнкі.

У аўторак, 4 жніўня, у Слуцку планаваўся агітацыйны пікет кандыдаткі ў прэзідэнты Святланы Ціханоўскай. Аднак у апошні момант мясцовы райвыканкам адмяніў мітынг, а міліцыя і АМАП пачалі затрымліваць людзей, якія прыйшлі на выбарчы пікет. Вядома, што 4 жніўня ў Слуцку было затрымана каля 15 чалавек.

У першы дзень датэрміновага галасавання кампаніі "Праваабаронцы за свабодныя выбары" стала вядома пра два выпадкі затрымання незалежных назіральнікаў на ўчастках для галасавання.

Акрэдытаваныя назіральнікі кампаніі "Праваабаронцы за свабодныя выбары" адзначаюць, што іх не дапускаюць да назірання, выдаляюць з памяшканняў для галасавання і нават з будынкаў, дзе змяшчаюцца ўчасткі. 

У Берасці назіральнікаў, якія не патрапілі ў спісы для назірання на участках нягледзячы на акрэдытацыю, выціскаюць з участкаў для галасавання.

У пракуратурах усіх узроўняў стварылі працоўныя групы для нагляду за выкананнем заканадаўства аб выбарах, паведаміў намеснік генпракурора Аляксандар Лашын на сустрэчы з кіраўніцтвам штабу місіі назіральнікаў ад СНД.

Скаргу ў Цэнтральную выбарчую камісію прынесла давераная асоба Святланы Ціханоўскай Вольга Кавалькова.

Назіральнік Віктар Адзіночанка прааналізаваў шэраг дзяржаўных выданняў Гомельскага рэгіёна. Ён адзначае, што ў некаторых з іх з’явілася крытыка ў бок кандыдата ў прэзідэнта Святланы Ціханоўскай у сувязі з яе агітацыйнымі пікетамі.

На ўчастку для галасавання №35 Маскоўскай раённай камісіі па выбарах Прэзідэнта Беларусі, размешчаным ў другім корпусе Брэсцкага тэхнічнага ўніверсітэта вывешаны графік дзяжурства назіральнікаў на час датэрміновага галасавання.