Праваабаронцы за свабодныя выбары

Супольны пікет альтэрнатыўных кандыдатаў па зборы подпісаў анансаваўся на 18 гадзін 5 чэрвеня каля сталічнага ГУМа. Задоўга да яго пачатку, як паведамляе Еўрарадыё, у раёне заўважаецца прыкметнае ажыўленне сілавікоў.

У Мінску на праспекце Незалежнасці, каля Dana Mall, з'явіўся першы пікет за вылучэнне кандыдатам у прэзідэнты Аляксандра Лукашэнкі, піша TUT.BY.

"Наша Ніва" апублікавала фотаздымкі чаргі паставіць подпіс за патэнцыйнай кандыдаткі ў прэзідэнты Святлану Ціханоўскую ў звычайны будні дзень. Па словах жадаючых пакінуць подпіс, яны стаяць гадзіну.

Адзіны пікет па зборы подпісаў за вылучэнне кандыдатам у прэзідэнты А. Лукашэнкі заўважаны ў Петрыкаве, паведамляецца ў телеграм-канале NEXTA.

Па інфармацыі, якой валодаюць праваабаронцы “Вясны” па стане на 5 чэрвеня, 12 сябраў ініцыятыўнай групы вылучэнкі ў кандыдаты ў прэзідэнты Святланы Ціханоўскай падвергліся пераследу, затрыманням і адміністрацыйнаму пакаранню.

Сустаршыня аргкамітэту па стварэнні партыі БХД Вольга Кавалькова 4 чэрвеня звярнулася ў Следчы камітэт з заявай аб прыцягненні Аляксандра Лукашэнкі да крымінальнай адказнасці паводле артыкулу 190 Крымінальнага кодэксу («Парушэнне раўнапраўя грамадзян»).

Удзельнікаў пікетаў па збору подпісаў у Віцебску 31 траўня, на якім прысутнічаў сузаснавальнік БХД Павел Севярынец, пачалі запрашаць у аддзяленні міліцыі для складання пратаколаў.

4 чэрвеня ў Бабруйску прайшоў другі пікет у падтрымку Святланы Ціханоўскай, гэтым разам абышлося без дажджу, паведамляе Бабруйскі інтэрнэт-партал.

4 чэрвеня грамадзянін Н. звязаўся з рэдакцыяй сайта ПЦ "Вясна", а таксама з іншымі рэсурсамі, дзе была апублікаваная інфармацыя аб ім. Рэдакцыі TUT.BY ён распавёў, што на момант напісання заявы знаходзіўся ў стрэсавым стане.

У Гродне падчас збору подпісаў за вылучэнне ў якасці кандыдата ў прэзідэнты Святланы Ціханоўскай затрымалі валанцёра ініцыятыўнай групы Уладзіміра Кнігу.

Магілёўскі актывіст Аляксей Паўлоўскі, які з'яўляецца сябрам ініцыятыўнай групы Андрэя Дзмітрыева, напісаў скаргу ў ЦВК на прымусовы збор подпісаў на прадпрыемствах за Аляксандра Лукашэнку.

Хоць скаргаў і заўваг ад выбаршчыкаў з дня фарміравання тэрытарыяльных камісій па Гарадзенскай вобласці ў гэтыя камісіі не паступала ні ад выбаршчыкаў, ні ад суб’ектаў выбарчай кампаніі, сама кампанія ў рэгіёне праходзіць у антуражы несумленнай прыхаванай ці нават адкрытай агітацыі за Аляксандра Лукашэнку і выразнай "заказной" дыскрэдытацыі яго апанентаў.

Праваабаронца Валянцін Стэфановіч пракаментаваў рашэнне ЦВК па заяве Віктара Бабарыкі адносна выкарыстання адміністрацыйнага рэсурсу пры зборы подпісаў па вылучэнні ў якасці кандыдата ў Прэзідэнты Рэспублікі Беларусь Аляксандра Лукашэнкі.

Па інфармацыі ад актывіста Эдуарда Баланчука, у старшыні Лельчыцкага раённага Савета дэпутатаў Таццяны Бяспалай зараз вельмі напружаныя дні. Ледзь раніца – чыноўніца сядае на службовы аўтамабіль, каб патрапіць на прадпрыемствы і арганізацыі даверанай ёй тэрыторыі.

Праваабаронца звярнуўся да сябраў Віцебскай абласной камісіі з просьбай запрасіць на пасяджэнне камісіі начальніка УУС аблвыканкаму, каб той патлумачыў, на якіх падставах 31 траўня міліцыянты спрабавалі перашкодзіць выбарцам ставіць подпісы ў падтрымку прэтэндэнтаў у кандыдаты на прэзідэнцтва.