Лепшы час для рамонту будынка – перыяд агітацыі
Як паведамляе назіральніца кампаніі "Праваабаронцы за свабодныя выбары" Ірына Траццякова, Віцебскім гарвыканкамам былі вызначаныя 14 памяшканняў у горадзе для сустрэч кандыдатаў і іх давераных асобаў з выбаршчыкамі.
- Памяшканні для сустрэчаў кандыдатаў з выбаршчыкамі
Адным з такіх месцаў з'яўляецца Віцебская абласная бібліятэка імя У. Леніна, якая добра вядомая жыхарам горада і размешчаная ў самым цэнтры. Але цяпер яна знаходзіцца ў стане капітальнага рамонту фасадаў і ганка галоўнага ўваходу.
Раней тут праходзіла сустрэча з кандыдатам у прэзідэнты Андрэем Дзмітрыевым.
Андрэй Дзмітрыеў заклікаў у Віцебску браць актыўны ўдзел у назіранні за выбарамі
Іншыя памяшканні для агітацыі не гэтак зручныя для доступу грамадзянаў.
Гледзячы на пашпарт аб'екта, 23 ліпеня рамонтныя работы павінны завяршыцца, а праход у бібліятэку быць адкрыты.
"Плотам будынак бібліятэкі абнеслі 20 ліпеня, нібыта тут ідзе будоўля. Я думаю, што гэта ўсё не проста так пачалося. Быццам бы вядуцца рамонтныя работы ганка і фасадаў, але работнікаў тут не ўбачыш", – адзначае Ірына Траццякова, якая і раней падыходзіла да будынка бібліятэкі.
