Праваабаронцы за свабодныя выбары

Назіральнік кампаніі “Праваабаронцы за свабодныя выбары” з Гродна Раман Юргель паскардзіўся ў пракуратуру на несвоечасовы адказ Гарадзенскага аблвыканкаму на яго зварот адносна парушэнняў пры фарміраванні ўчастковых камісій.

Раман Юргель

Тэрміны адказу на яго зварот перавысілі трохдзённыя тэрміны, усталяваныя для пытанняў па парушэнні выбарчага заканадаўства, што прадугледжана арт. 49 (1) ВК РБ.

Гарадзенскі аблвыканкам забыўся на адкрытасць і галоснасць працы выбарчых камісій

Пасля электроннага звароту ў Генеральную пракуратуру назіральніка кампаніі "Праваабаронцы за свабодныя выбары" Рамана Юргеля наконт парушэння пры фарміраванні ўчастковых выбарчых камісій па Гарадзенскай вобласці, якія па 12 раёнах прайшли у закрытым фармаце, яму быў урэшце дасланы адказ з Гарадзенскага аблвыканкаму.

У сваёй скарзе назіральнік патрабаваў атрымання адказу на падобнага кшталту скаргі ў трохдзённы тэрмін. Ён узгадаў, што ў Беларусі былі ўжо выпадкі зацягвання такіх адказаў на 14 дзён, каб факты парушэнняў не мелі своечасовай ацэнкі.

Пракуратура традыцыйна перанакіравала скаргу ў сам аблвыканкам, а дакладней у Галоўнае ўпраўленне арганізацыйна-кадравай працы. І адтуль адказ ішоў 10 дзён.

У адказе значыцца, што першы раз Юргелю доўга адказвалі нібыта таму, што яго зварот наконт парушэння заканадаўства “патрабаваў праверкі і вывучэння”. А яшчэ напісана, што адказ на зварот быў накіраваны поштай 2 ліпеня. Але справа ў тым, што штэмпелі на капэрце сведчаць пра іншае: што адасланы адказ быў толькі 06.07.20, а атрыманы 08.07.20.

Хто парушыў тэрміны накіравання адказу - работнікі аблвыканкаму ці “Белпошты” (затрымка пошты у люстрацыі пісем), застаецца таямніцай.

"Праваабаронцы за свабодныя выбары"