Зноў чэргі. У Слуцку працягваецца збор подпісаў за вылучэнне Ціханоўскай
У Слуцку каля 17 гадзін працягнуўся збор подпісаў за вылучэнне кандыдаткай у прэзідэнты Святланы Ціханоўскай. Кіруе ініцыятыўнай групай блогер ютуб-канала "Страна для жизни" Сяргей Ціханоўскі. Каб пакінуць свой подпіс за вылучэнне кандыдаткі случакі адстойваюць чаргу.
- Збор подпісаў за вылучэнне кандыдаткай у прэзідэнты Святланы Ціханоўскай. Фота: Юрый Мяцельскі
Нагадаем, сёння ў 12 гадзін пікет за збор подпісаў за вылучэнне кандыдаткай у прэзідэнты Святланы Ціханоўскай адбываўся недалёка ад месца, дзе будуецца новы дом старшыні Слуцкага райвыканкама. У будні дзень за паўгадзіны часу на пікет збірался каля 60 чалавек.
Як распавёў праваабаронца "Вясны" Юрый Мяцельскі, на пікеце адначасова налічвалася да 130 чалавек, выбудоўваюцца чэргі. Большасць прысутных у масках і выконвае сацыяльную дыстанцыю. Кіраўнік ініцыятыўнай групы Сяргей Ціханоўскі таксама падчас пікета заклікае трымаць дыстанцыю і абяцае падарыць маскі ў каго іх няма.
- Збор подпісаў за вылучэнне кандыдаткай у прэзідэнты Святланы Ціханоўскай. Фота: Юрый Мяцельскі
- Месца пікету па збору подпісаў за вылучэнне кандыдаткай у прэзідэнты Святланы Ціханоўскай. Фота: Юрый Мяцельскі
- Большасць людзей - у масках. Фота: Юрый Мяцельскі
- Напачатку пікета. Фота: Юрый Мяцельскі
Тым часам, як паведамілі ў "Белай Русі" TUT.BY, ініцыятыўная група па вылучэнні Аляксандра Лукашэнкі кандыдатам у прэзідэнты ўжо сабрала 200 тысяч подпісаў пры 100 тысячах неабходных. Але пікетаў па збору подпісаў за вылучэнне Аляксандра Лукашэнкі па краіне заўважана не было. Нагадаем, збор подпісаў выбаршчыкаў у падтрымку вылучэння кандыдатаў у прэзідэнты Рэспублікі Беларусь у Беларусі распачаўся 21 траўня і працягнецца да 19 чэрвеня ўключна.
- Збор подпісаў за вылучэнне кандыдаткай у прэзідэнты Святланы Ціханоўскай. Фота: Юрый Мяцельскі
Фотафакт. У Слуцку збіраюць подпісы за Ціханоўскую каля новага дома мэра