Праваабаронцы за свабодныя выбары

Назіранне за выбарамі Прэзідэнта Рэспублікі Беларусь ажыццяўляецца РПГА“Беларускі Хельсінкскі камітэт”і ПЦ “Вясна”ў рамках кампаніі “Праваабаронцы за свабодныя выбары”.

Высновы

• Улады дэманструюць беспрэцэдэнтны ўзровень ціску на ўдзельнікаў выбарчага працэсу. На сёння ў Беларусі налічваецца 25 палітзняволеных, большасць з якіх звязаная з удзелам у выбарчай кампаніі – прэтэндэнты ў кандыдаты, кіраўнікі і сябры ініцыятыўных груп, блогеры;
• працягваецца судовы пераслед удзельнікаў акцый салідарнасці, якія праходзілі ў Мінску і рэгіёнах;
• непрапарцыйна жорсткія дзеянні супрацоўнікаў міліцыі па затрыманні мірных грамадзян толькі за факт знаходжання іх на вуліцах справакавалі рэакцыю людзей у адказ, у тым ліку, на жаль, з прымяненнем сілы ў дачыненні да прадстаўнікоў сілавых органаў, што прывяло да ўзбуджэння крымінальных спраў;
• прадстаўнікі міжнародных арганізацый і ўрадаў замежных краін выказалі занепакоенасць адмовай у рэгістрацыі ў якасці кандыдатаў некаторых прэтэндэнтаў, рэпрэсіямі супраць апазіцыйных палітыкаў, грамадзян, масавымі затрыманнямі на мірных акцыях;
• упершыню за ўсю гісторыю незалежнай Беларусі назіральнікі Бюро АБСЕ па дэмакратычных інстытутах і правах чалавека (БДІПЧ) не будуць назіраць за выбарамі;
• падача скаргаў і зваротаў па-ранейшаму застаецца неэффектыўным сродкам абароны парушаных выбарчых правоў як асобаў, якія вылучаюцца кандыдатамі ў Прэзідэнты, так і іншых удзельнікаў выбараў і назіральнікаў.

"Праваабаронцы за свабодныя выбары".