Як праходзіць збор подпісаў у Віцебскім рэгіёне
Шэраг пікетаў адбыўся ў Віцебскім рэгіёне. Тут подпісы збіралі за Віктара Бабарыку, Сяргея Чэрачня, Мікалая Казлова, Андрэя Дзмітрыева.
Віцебск
Апошнім часам у Віцебску пастаянна праводзяць збор подпісаў ініцыятыўныя групы патэнцыйных кандыдатаў: Сяргея Чэрачня, Віктара Бабарыкі, Валерыя Цапкала і Святланы Ціханоўскай. Эксцэсаў пад час збору подпісаў не былі заўважана.
З большага, зборшчыкі подпісаў выконваюць рэкамендацыі ЦВК па бяспецы: яны ў масках і пальчатках.
Па інфармацыі назіральнікаў кампаніі "Праваабаронцы за свабодныя выбары", сябры ініцыятыўнай группы А. Лукашэнкі не выстаўлялі пікет у горадзе, але ажыцяўляюць абходы кватэр дамоў.
Глыбокае
7 чэрвеня у Глыбокім на двух пікетах грамадзяне падпісваліся за вылучэнне кандыдатам у прэзідэнты Віктара Бабарыкі. Сябры ініцыятыўнай групы прэтэндэнта адзначылі, што людзі падыходзілі, але такой актыўнасці, як 31 траўня, ужо няма. Па іх меркаванню, прыходзілі тыя, хто не паспеў падпісацца за яго ў мінулы раз.
Орша
Пікеты ў Оршы адбываліся і ў субботу, і ў нядзелю. Але традыцыйна больш шматлюдныя пікеты ў горадзе адбываюцца па нядзелях, якія пачынаюцца з 12 гадзін, паведамляецца на сайце orsha.eu.
7 чэрвеня прэтэндэнт у кандыдаты на пасаду прэзідэнта Сяргей Чэрачэнь наведаў у Оршы пікет па зборы подпісаў. Гэта другі кандыдат, які даехаў у рэгіён: пару дзён таму тут быў Андрэй Дзмітрыеў.
Збіралі подпісы ў Оршы і за Мікалая Казлова.
