"Тры жанчыны сталі за народ". Магілёў і Бабруйск сустрэліся з кандыдатам у прэзідэнты Ціханоўскай
Як паведамляе TUT.BY, кандыдат у прэзідэнты Беларусі Святлана Ціханоўская працягвае тур па гарадах краіны. 25 ліпеня яна са сваёй камандай, у тым ліку з Веранікай Цапкала і Марыяй Калеснікавай, правяла мітынгі ў Магілёўскай вобласці.
- Святлана Ціханоўская на мітынгу ў Магілёве. Фота TUT.BY
Паводле прыблізных ацэнак, у Магілёве на сустрэчу з "жаночым трыумвіратам" прыйшлі каля 4 тысяч чалавек.
У Магілёў каманда Святланы Ціханоўскай прыехала пасля мітынгу ў Оршы. Яе сустрэлі доўгімі і бурнымі авацыямі. Пляцоўка каля Лядовага палаца, дзе праходзіла сустрэча, не змагла змясціць усіх, хто прыйшоў падтрымаць альтэрнатыўнага кандыдата ў прэзідэнты.
- Мітынг Святланы Ціханоўскай у Магілёве. Фота TUT.BY
Многія прыйшлі з БЧБ-сцягамі і дзяржаўнымі чырвона-зялёнымі сцягамі, плакатамі "Верым, можам, пераможам!", у брэндаваныя майках і кепках "Краіна для жыцця", "Віктар Бабарыка-2020", "Валерый Цапкала". На руках у людзей былі белыя стужкі, якія сталі знакам салідарнасці з аб'яднанымі штабамі Ціханоўскай-Бабарыка-Цапкала.
- Мітынг Святланы Ціханоўскай у Магілёве. Фота TUT.BY
Пасля кароткіх слоў прывітання Святлана Ціханоўская падзякавала ўсім магілёўцам, хто прыйшоў 23 ліпеня ў суд на слуханне па абвінавачванні Сяргея Ціханоўскага. Нагадаем, яго прызналі вінаватым у парушэнні закона Аб масавых мерапрыемствах падчас збору подпісаў у падтрымку жонкі ў Магілёве. Па рашэнні суда Сяргей Ціханоўскі атрымаў 15 сутак арышту.
— Я не магла, на жаль, там быць. Але яму вельмі важная ваша падтрымка цяпер. Ён перадаў, што ўсім вам дзякуе за тое, што вы прыйшлі да яго на суд і падтрымалі яго. Дзякуй вам вялікі, — сказала Святлана Ціханоўская.
- Мітынг Святланы Ціханоўскай у Магілёве. Фота TUT.BY
Яе падтрымалі апладысментамі. Далей Святлана распавяла пра сябе — вельмі коратка. Быццам просячы прабачэння, патлумачыла, што яна па адукацыі перакладчык з англійскай мовы, а апошнія 10 гадоў — мама і жонка. І наогул, яна "чалавек не ўладалюбівы", а кандыдатам у прэзідэнты стала "з-за любові да мужа Сяргея Ціханоўскага, блогера, аўтара канала "Краіна для жыцця".
Публіка на гэта пачала скандаваць: "Ма-ла-дзец!». І скандавала доўга. Святлана адказала, што яна не здзейсніла ніякага гераічнага ўчынку. Што яна, Вераніка Цапкала і Марыя Калеснікава проста вымушаныя былі стаць "за мужчын, за народ" і аб'яднаць тры патокі людзей, якія пакідалі подпісы і гатовыя аддаць свае галасы за альтэрнатыўных кандыдатаў у прэзідэнты.
- Мітынг Святланы Ціханоўскай у Магілёве. Фота TUT.BY
— Мы аб'ядналіся не для Ціханоўскай. Мы аб'ядналіся супраць існуючага рэжыму, — сказала Святлана.
Ёй адказалі авацыямі.
У Бабруйску сустрэча з кандыдатам у прэзідэнты праходзіла на стадыёне на вуліцы Урыцкага. Стадыён быў поўны.
- Мітынг Святланы Ціханоўскай у Бабруйску. Фота: svaboda.org
"Такое адчуванне, што выйшаў увесь горад", — падпісалі фота на сцэне стадыёна ў афіцыйным тэлеграм-канале Святланы Ціханоўскай.
- Мітынг Святланы Ціханоўскай у Бабруйску. Фота: svaboda.org
Паводле прыблізных ацэнак СМІ, у Бабруйску на пікет прыйшлі каля 6 тысяч чалавек. Святлана Ціханоўская, Марыя Калеснікава і Вераніка Цапкала таксама заклікалі бабруйчан ісці на выбары толькі 9 жніўня і галасаваць за Святлану. Распавядалі пра тое, што менавіта трэба мяняць у Беларусі і чаму беларусы могуць гэта зрабіць самі.
- Калі стала цямнець, вядучы са сцэны папрасіў прысутных уключыць ліхтарыкі. Фота: Афіцыйны телеграм-канал Віктара Бабарыка
