Праваабаронцы за свабодныя выбары

Назіральніца кампаніі «Праваабаронцы за свабодныя выбары» Наталля Сацункевіч прааналізавала склад 56 участковых выбарчых камісій Кастрычніцкага раёна Мінска. Вось, што з гэтага атрымалася.

Што змянілася з папярэдняй выбарчай кампаніяй?

У параўнанні з выбарчай кампаніяй 2019 года, 26% УВК засталіся нязменнымі, па 23% 1 і 2 новых чалавека ў складзе. Па падліках назіральніцы агулам склад 72% участковых камісій Кастрычніцкага раёна ці наогул не змяніўся, ці змяніўся літаральна на 1-2 чалавекі.  

Якія структуры прадстаўляюць сябры камісій Кастрычніцкага раёна?

Абсалютная большасць вылучалася ў УВК ад праўладных грамадскіх аб'яднанняў і палітычных партый. Толькі 33 чалавекі з 596 былі вылучаны ва ўчастковыя камісіі ад грамадзян, 54 – ад працоўных калектываў. Прадстаўнікоў апазіцыі ў складах гэтых УВК, як і многіх іншых, няма.

Топ-5 аб'яднанняў і партый па вылучэнню сваіх сябраў ва УВК

• Саюз жанчын – 54;
• Партыя труда і справядлівасці – 52;
• Сацыяльна-спартыўная партыя – 52;
• Белая Русь – 52;
• Камуністычная партыя – 51.

А што з гендарным складам участковых камісій гэтага раёна?

Па падліках назіральніцы кампаніі «Праваабаронцы за свабодныя выбары» Наталлі Сацункевіч 72,8% ад складу 56 УВК Кастрычніцкага раёна Мінска складаюць жанчыны. Прычым, ва ўсіх камісіях сакратаркамі з'яўляюцца жанчыны. Пасаду старшынь УВК Кастрычніцкага раёна Мінска займаюць 24 жанчыны (42,9%). 35 жанчын (62,5%) з'яўляюцца намеснікамі старшынь участковых камісій  

Таксама чытаць па тэме:

Лічыць галасы беларусаў на выбарах будуць у асноўным жанчыны. Што тут не так?

Па дадзеных Цэнтрвыбаркама, у склад 5 723 участковых камісій на прэзідэнцкіх выбарах-2020 увайшлі 63 347 членаў. На гэтых выбарах асераднёны партрэт сябра ўчастковай камісіі, які будзе лічыць галасы выбаршчыкаў, мала чым адрозніваецца ад папярэдніх выбарчых кампаній — гэта жанчына старэйшыя за 30, вылучаная ад праўладных грамадскіх аб'яднанняў (БРСМ, Белая Русь, Беларускі саюз жанчын). Чаму менавіта жанчына — давайце разбірацца.

Лічба дня: на колькі супадаюць склады УВК Фрунзенскага раёна ў параўнанні з выбарамі-2019

У Беларусі сфармаваныя ўчастковыя камісіі, якія непасрэдна будуць лічыць галасы выбаршчыкаў на прэзідэнцкіх выбарах 9 жніўня. У Мінску на тэрыторыі Фрунзенскага раёна ўтворана 122 выбаркама. Назіральнік кампаніі "Праваабаронцы за свабодныя выбары" Аляксей Лойка параўнаў склады фрунзенскіх УВК падчас парламенцкай кампаніі восенню 2019 года з іх складамі, якія будуць працаваць на выбарах прэзідэнта сёлета. Што (не)змянілася — чытайце ў нашым матэрыяле і глядзіце ў дыяграме.

"Праваабаронцы за свабодныя выбары"