Гарадзеншчына: ці палепшылася сітуацыя з інфармаваннем пра выбары па-беларуску?
Гарадзенскія назіральнікі кампаніі “Праваабаронцы за свабодныя выбары” прааналізавалі сайты выканаўчых камітэтаў наконт наяўнасці на іх інфармацыі пра выбары на беларускай мове.
У параўнанні з мінулымі (парламенцкімі) выбарамі пэўныя зрухі па спробе ўжывання беларускай мовы на сайтах выканкамаў адбыліся. На мінулых выбарах назіральнікі і журналісты накіравалі шмат скаргаў у выканкамы Гарадзеншчыны наконт таго, што на многіх беларускамоўных старонках райвыканкамаў адсутнічалі нават банеры пра выбары.
Зараз беларускамоўныя банеры “Выбары 2020” на беларускамоўных старонках сайтаў райвыканкамаў збольшага з’явіліся, але не ўсюды. І нават там, дзе з’явіліся, па часе з’явіліся пазней, чым на рускамоўных старонках. Паўсюдна рускамоўныя старонкі мелі перавагу ў першаснасці.
Але і зараз напаўненне беларускамоўных банераў адрозніваецца ад іх рускамоўных версій. Нават на сайце Гарадзенскага выканкама, на беларускамоўнай старонцы у банер “Выбары 2020” забыліся паставіць важную інфармацыю пра тое, дзе і ў які час прымаюцца дакументы па вылучэнні прадстаўнікоў у склад Ленінскай і Кастрычніцкай выбарчых камісій. На рускамоўнай версіі гэту інфармацыю паставіць не забыліся.
Дапоўнена: Па стане на 18 траўня на беларускамоўнай старонцы сайта Гарадзенскага гарвыканкама ўсё ж з’явілася паведамленне пра час і месца падачы дакументаў.
Свіслач на беларускамоўнай старонцы адсутнічаюць спасылкі на асноўныя дакументы і пастановы па прэзідэнцкіх выбарах.